पी सी ओ कसा मिऴवाल

 एसटीडी/आयएसडी/ स्थानिक पीसीओ जोडणी(कनेक्शन) खालील प्रमाणे दिले जाते.  

•  एसटीडी/आइएसडी व स्थानिक पीसीओसाठी विहित नमून्यातिल अर्ज आपणास नि:शुल्क दिले जातात.  पीसीओचे अर्ज ग्राहकांनी ग्राहक सेवा केंद्रात जमा करावेत.   
•  दि. ०१.०९.२००६ पासून स्थानिक पीसीओसाठी आवश्यक सुरक्षा ठेव कमी करुन रु. ५००/- केली आहे.  स्थानिक पीसीओसाठी व्यक्तीगत सुरक्षा ठेव रु. ५००/- व एसटीडी/आयएसडी पीसीओसाठी  रु. २०००/- रोख किंवा डिमांड ड्राफ्ट स्वरुपात जमा केल्यावर पीसीओ दिले जातात.  वरील ठेव जमा केल्यावर आपला पीसीओ मंजूर करुन त्याच वेळी काऊंटर वर डिमांड नोट/कार्यादेश बनवला जातो.        
• पीसीओ बूथची व्यवस्था पीसीओ धारकास करावी लागेल.    
•  एसटीडी/आयएसडी अथवा स्थानिक पीसीओ चा अर्ज जमा करते वेळी अर्जासोबत खालील कागदपत्रे (दस्तावेज) जोडावेत  

(आवेदक अर्जदारानी स्वत: प्रमाणित केलेल्या स्वतःच्या छायाचित्रबरोबर बरोबर खालील  कागदपत्रांच्या  प्रती (त्याच्या मूळ प्रतिसहित)  जमा करमे आवश्यक आहे.  फोटो कॉपी सत्यापित केल्यावर मूळ कागदपत्रे (दस्तावेज) अर्जदारास परत केले जातील.   

     (अ)  ओळखीचा पुरावा म्हणून खालील दस्तावेजांपैकी  कोणताही एक दस्तावेज प्रस्तुत करावा.  

          १.  मतदार ओळखपत्र 

          २.  वाहन चालक परवाना

          ३.  आयकर विभागाने दिलेले पॅन कार्ड

          ४.  पारपत्र (पासपोर्ट)

          ५.  शिधापत्रिका (रेशनकार्ड)  

       (ब) अर्जदाराची सही त्यांच्या बँकेतुन प्रमाणित करुन घेणे आवश्यक आहे. (प्रमाणिकरणाची मूळ प्रत आवश्यक ) 

• देयक (बिलिंग) कामकाज पध्दतीनुसार लेखाधिकारी (ए ओ टी आर ) सुरक्षा ठेव जमा राशीची छाननी करुन निश्चित करतील॰     
• फ्रेंचाइजी बरोबर पीसीओ कराराची आवश्यकता  नाही.  अर्जदारास अर्जासोबत जोडलेल्या विहित नमून्यात एक 'अंडरटेकींग' देणे आवश्यक आहे व त्यासाठी स्टँम्प पेपरची आवश्यकता नाही. 

• ग्राहक सेवा केंद्रामधील लिपिक ग्राहकांनी जमा केलेल्या कागद पत्रांची छाननी करून प्रमाणित करतील व प्रमाणित केलेल्या कागद पत्रांवर आपली सही, नाव, स्टाफ नंबर व पदनाम नमूद करतील॰  त्यानंतर काऊंटर वरील व्यक्ती ग्राहकांकडून आवश्यक सुरक्षा ठेव रोख/ड्राफ्ट स्वरुपात घेऊन कार्यादेश बनवेल.  रोख स्वरुपात/डिमांड ड्राफ्टनी मिळालेली रक्कम लेखाधिकारी/नगद यांना पाठवली जाईल.  दस्तावेज अपूर्ण असल्यास ग्राहकांस विनम्रपणे सांगण्यात येईल. 
• एकाच ठिकाणी एकापेक्षा जास्त पीसीओ संस्थापित करण्यासाठी काही बंधन नाही.  एकाच ठिकाणी अधिक पीसीओ उपलब्ध केले जाऊ शकतात.  दूरसंचार विभागाच्या निर्देशानुसार जर एकाच ठिकाणी १० पीसीओ किंवा त्यापेक्षा अधिक पीसीओंची एकत्रित नोंदणी केली असेल तर त्याची माहिती क्षेत्रिय महाव्यवस्थापक व दक्षता विभागास देणे आवश्यक आहे. 

• वर सांगितलेल्या पध्दतीने प्रत्येक स्थानिक पीसीओ साठी रु. ५००/- व एसटीडी पीसीओ साठी रु. २०००/- सुरक्षा ठेव केल्यावर एका पेक्षा अधिक पीसीओ दिले जातील.  अधिक पीसीओसाठी वर्तमान एसटीडी स्थानिक पीसीओ पासून मिळणारे उत्पन्न तपासण्याची आवश्यकता नाही. 
• कार्यादेश जारी केल्यानंतर त्या क्षेत्रातील उप मंडळ अभियंता (बाह्य) त्या परिसरात भेट देऊन पीसीओ संस्थापन करण्याची जागा लोकांना सुविधाजनक आहे की नाही याची पाहणी करतील व एसटीडी पीसीओसाठी 'टीईसी' द्वारा निर्धारीत केलेल्या चार्जिंग उपकरणाच्या उपलब्धतेसंबंधी माहिती देतील व त्यानंतर पीसीओसाठी सीसीबी पीसीओ उपकरण संस्थापित केले जाईल.